ْْْ أقوى قصيده في الخيانه ْْْْ

عدد المساهمات : 11

السلام عليكم ورحمة الله وبركاته

يسعد صباحكم \ مساكم

جبت لكم اقوى قصيده في الخيانه

اتمنى تعجبكم

*

*

*
لا ردج الله لا ولا اطلب تردين
ادعي عليك بعثرة في صلاتي

عثره تشلك ما بعدها تقومين
ياللي نقضتي عهودنا الماضياتي

خدان لك بالقلب كانت بساتين
وريضان وغصونا بها يانعاتـــــــي

كانت تروح الروح ساعة تروحين
وتعاف نفسي شربها والمقاتي

كنتي مناة القلب والروح والعين
واليوم عينك يعلها ما تباتـــــــــي

كنت أحسبك للعهد والحب توفين
قلتي الغدر بالحب ماهو سواتــي

وبان الغدر سم جرى بالشرايين
الله عسى يسقيك سم الفعاتــــي

كلي سقيتك حب واليوم تنسيـن
تقولين حلم ايام واليوم فاتــــــي

وخذتي الهوى لعبه على ما تحبين
الين عصفت بالهوى عاصفاتـــي

وصرتي بشعري في العذاري تباهين
تقولين انا شمس العصر في حلاتي

وبالشعر صورتك خزام ورياحين
واثرك هضاب وشوك ما به هداتـي

وبالشعر غاليتج على كل غالين
واثرك دنيه تتبعين الدناتي

رسمتك سحابه خير قطر تنفين
فزت لك الصحراء زهور ونباتـــي

رسمتك مهاة للجميله تقودين
واثرك خروف ضيعتها الرعاتـي

توسلت لك على حب عامين
عامين لكن في حسابي مئاتــي

ناديت لكن لي ابد ما تسمعين
عمري وروحي والفكر في شتاتي

وخنتي وبعتي كل عهد وايامين
ما عاد يفرق بين ماضي واتي

وصرتي مثل غيرك برخص تبيعين
يا مرخصتني ما بقى لك غلاتي

تحسبين انك بالمهافه ترقين
كيف الصعود يكون للهاوياتي

والنوقه من تخرس فلا يفيد تمرين
ما يفيدها قلص وضرب العصاتي

ومع ناقه خرسة تكلفت سنتين
فلا لانت بشده ولا بإنهداتي

اسبوع في دوامي ولا آيي غير يومين
ويوم اوصل الدار اتصل واحاتي

صبري نفذ واليوم ثارت براكين
مظلوم انا وباكر تحل ادعواتي

سمعي عسى من بعدها ما تسمعين
سمعي دعا من صار قلبه حصاتي

وعساك عوق منه ما عاد تبرين
عوق تشافق له قلوب العداتي

ادعي عسى من ناضرك ما تشوفين
وتطحن بك الايام طحن الرحاتي

ويالله عسى يحتار فيك المداوين
تبين الممات ولا يجيك المماتي

ويالله عسى كف الندامه تعضين
تندمين يوم انه يفوت الفواتي

وتبكين دم يسيل من مقلة العين
ويحتار قلبك من عناك وتحاتي

عسى ما تلاقي من له القلب تهدين
وان حصل ادعي عساك الشتاتي

يا بلوة اللي وسط بيته تعيشين
غافي وحوله شب جمر الغضاتي

عسى بعمرك ساعه ما تهنين
وتمضي حياتك بين هم وشقاتي

يا بنت قلبي وين مثله تلاقين
قلبا عطاك الحب ما قال هاتي

جيتك وروحي شلتها لك بكفين
وفي التاليه رمح الخيانه جزاتي

يالله عساك النار يا أم وجهين
كله انكشف لا ما تفيد العباتي

ويالله عسى تلبسك جن وشياطين
وتكونين مدعاة الحكي والشماتي

والله ماني منتظر قلبك يلين
والمقبلات اكثر من الفايتاتي

وما عادتي اتبع ظعون المقفين
ريح تشل ظعونك المقفياتي

يا ليلة ظلماء على الله تزولين
وتاتي ليالي سعدنا مشرقاتي

يا حية رقطا تقود الثعابيـــــــن
باكر تحن ايامك المعتمــــاتي

يا ظالمه نفسج ترى الدهر يومين
يوم النجاة ويوم مابه نجاتي

بيني وبينك تحكم ايام وسنين
وانا شاهدي قلبا من الغدر ماتي

لو كان عذرك في كفوف الموازين
لا كان رابح كل غدر البناتي

ويا دمعة التمساح لالا تذرفين
العيون رغم ادموعها كاذباتي

لا ما عرفتي الحب لا ما تحسين
وغدرك تعدى غدر ذيب الفلاتي

الذيب يعوي قبل يغدر بمسكين
وانتي غدرتي خافقي في سباتي

انتي السبب سقتي على القلب
جرحين غدر الغرام وموجع الذكرياتي

وانتي السبب واليوم لالا تلومين
وان جاك باكر شوفي اشلون يأتي

والله لاكتب وافضحك في دواوين
وارزف واغني يوم خبر الوفاتي

وارسم لاهل العشق قلبا وسهمين
وقصة خيانه ما روتها الرواتي

ويمين لانشر فوق اسمك عناوين
واشهرك من قاصي اليمن للفراتي

ومن غرب هالدنيا الى قاصي الصين
ديوان غـدر فيه كل اللغـــــــاتي

والبادي اظلم سنة العين بالعين
والا فذي لا عادتي ولا صفاتي

ويا شبه انسانه برأس ورجلين
اعوذ بالرحمن منك بصـــــــلاتي

روووعه

وااااااااااااااااااااااااااااااااااااااااااااااااو

كامات عن جد راااااااااااااااااائعه و قويه في نفس الوقت

فديتك ياجوري